Устав келии
Потом же паки сипев образ полагаю да бывает: да соберутся игумен и вся братия святаго того монастыря, и изберут мужа богобоязлива, достойна жити в келлии, месте том, кто либо аще будет и по согласию игумена и всех почитающих место тое святое, да посылается в то место, да имать же той всяку свободу и власть над тоею келлиею, якоже и прежде писахом: а монастырь и игумен да не имать власти никоеяже над келлиею оною, ни паки за наем, никтоже да поставляется в келлии той, непотребен сый к духовному правилу.
Устав же таковый полагаю в келлии той, и твердо да держит хотяй жити в ней. В понедельник, среду и пяток ни масло да яст, ни вино да пиет; во вторник же и четверток масло да яст и вина да пиет, и в пятих сих дниех единою днем да яст; в субботу же и в неделю рыбу и сыр и вся прочая дващи днем ясти.
В Великий же пост в субботу же и неделю масло ясти и вино пяти, а во иныя дни ни вина, ни масла. В пост же Рождества Христова, якоже и по иныя. дни уставихом, буди и в той такожде. А в пост? святых апостолов буди тако, якоже и во иньг дни простыя уставихом. В пении же да держится сицевый устав: утреня и вечерня якоже есть обычай; на утрени же чрез весь год да поется по три кафизмы, а на вечерни: ко Господу внегда скорбети ми, без тропарей. Часы же пети разно: 1 час с утренею без Псалтири, на 3 же, 6 и 9 час пети по три кафизмы с метаниями якоже обычай имамы.
На всяцем же начале кафизмы: приидите поклонимся, и по три метания, и паки кончивши псалом и рекше аллилуиа, по три метания, или в вечерни или на утрени, или в мефимоне (то есть "С нами Бог") или в полунощницах, всяцей же службе кончающейся, и где глаголется: Боже ущедри ны, по 12 метаний. Полунощница же да поется в церкви с блаженными по три кафизмы и канон молебен Богородицы.
А что еще остается Псалтири, то совершити или во дни или в нощи; точно да пре-певается Псалтирь на день и на нощь. В субботу же вечер тако бывает, якоже имамы обычай агрипнии (бдения): сине же поем на агрипнии: рекше Тресвятое и: помилуй мя Боже, таже поем канон агрипнийный (бденный) и потом да чтется Тетроевангелие200 глава едина; аще ли же будет невозможно, преполови; а потом начинается служба утрени: отпевше шестопсалмие, по: Бог Господь, пети три кафизмы и четвертую кафизму: Блажени непорочнии с приметнем: Ангельский Собор, и потом седальны и чтение, таже степенна, всякое дыхание и Евангелие;
По Евангелии же - Воскресение Христово, помилуй мя Боже и песни за едино поет един, посем канон воскресен, якоже обычай имамы, и святому аще есть: и тако совершается, якоже подобает. О святых же и Божественных Литургиах противу силе да служится.
В Господский же великие праздники подобает опасно трезвитися в пении и всенощном бдении, поминающе слово Господне: бдите и молитеся, да не внидете в напасть: плоды бо трудов своих сиесте, а аще сия совершите, блажени будете. Сей же устав о пении и ядении списахом и молением молимся, яко да не будет претворен, ниже оставляем: разве аще случится в болезнь впасти; но и тогда, елико крепости, понуждатися.
В питии же и ядении, аще случится некоему любимому прийти к тебе утешити тя, тогда разрешается пост; кроме среды и пятка.
О свободе же места того, заклинаю Господем нашим Иисусом Христом, и Пресвятою Его Материю, якоже написахом зде, да не будет разорение?'аще же кто сие претворит, и смущати будет в сем месте живущаго, или что взымати восхощет, еже есть в месте том: или от книг или от икон, или ино что годе будет в месте том: проклят буди и связан от Святыя и Животворящий Троицы Отца и Сына и Святаго Духа и мною грешным: и да не будет прощен ни в сем веке, ни в будущем. Сего ради написах и подписах свое рукописание в лето (6707), от Христа, (1199).
На подлиннике подпись святого Саввы следующая:
«Всех последний Савва грешный».
К оглавлению
Карея. Кельи. 1860 год.
|